તૈયાર છું હું
તૈયાર છું હું
તમારા વદનનાં સ્મિતનાં શણગારનું કારણ બનવા તૈયાર છું હું,
પલકો ઢળેલી આંખોના એકરારનું કારણ બનવા તૈયાર છું હું !
બસ એક દ્રઢ ભરોસો છે કાયમ સાથી આપણો આ પ્રેમવેદી પર,
મુશ્કેલ સફરમાં આપણી મંઝિલનું કારણ બનવા તૈયાર છું હું !
બાથ ભીડી લેજે દોસ્ત, હોય ભલે ગમે તેવી મોટી મુસીબતનો પહાડ,
તારા મજબૂત બાવડામાં આત્મવિશ્વાસનું કારણ બનવા તૈયાર છું હું !
આમ જ સૂર સંગીતના રેલાવતી રહીશ તમારા હાથમાં રહી નાથ,
કાયમ કાળજા વિંધાવી તારી ફૂંકનું કારણ બનવા તૈયાર છું હું !
તમારો એક જ ચરણસ્પર્શ ને મુક્તિ મુજ પાષાણ જેવા પાપીની,
જો તમે પધારો રામ બનીને તો હર જન્મે અહલ્યા બનવા તૈયાર છું હું !
મળતો હોય જો સદા સાથ તમારો જીવનભર આ સંસાર સાગરે,
તો બંધ આંખે કરી વિશ્વાસ યુગે યુગે સફર ખેડવા તૈયાર છું હું !
એક માત્ર તારા 'પરમ' ભરોસે જીવાઈ ગયું આ સમગ્ર જીવન,
તારી એક અમી નજર માટે કાયમ 'પાગલ' બનવા તૈયાર છું હું !