તારી મિત્રતા

પગલે ને પગલે હું તને શોધ્યા કરું,

મારા બધાં જ સુખ - દુઃખમાં,

તારી ને મારી મિત્રતા 

લાખો ખરચતાં પણ, જે અણમોલ છે,

નાત વગરનો નાતો ને,

વાત વગરની વાતો,

તારી ને મારી મિત્રતા.

બધાં જ સપનાં ને જીવી લેવાનો, એ અહેસાસ !

મારી દુનિયામાં, તારો સાથ પામવાનો એ આનંદ,

એ આંખોને તરસ હોય માત્ર એ વ્યકિતની, 

બધાંથી વધારે જેને કહેવું હોય, 

સંભળાવવું હોય સાંભળવું હોય, 

એ તારી ને મારી મિત્રતા.

મારી અધૂરી વાર્તામાં તારો પગ પેસારો,

મારી કવિતામાં તારી લાગણી, 

તારા વાક્યો ને મારાં શબ્દોમાં ઝીલવા,

તારી અને મારી મિત્રતા.