સંસ્મરણોનો અસબાબ

સંસ્મરણોનો ખૂલતાં અસબાબ,

ભૂતકાળનો રણઝણતો રૂઆબ,

પીળા થયેલા કાગળનાં મધ્યે,

જીવનની અસંખ્ય પળોનો હિસાબ.

છાપ અને લખોટીઓનો ઢગલો,

સાથે ડોકાય એ નાનો ડગલો,

જૂનાં કપડાંની સુગંધ મધ્યે,

યાદ આવે બાળપણનો ઓટલો.

જૂનાં ફોટાઓની સાચવેલી નેગેટિવ,

જીવનને બનાવે પોઝિટિવ,

પુસ્તકના કોઈક પન્નાં મધ્યે,

ડોકાચિયાં કરતો કોઈ મોટિવ.

ચાલો જીવીએ એ પળોને આજે,

જીવનમાં ખુશીઓ ભરવા કાજે,

બાળપણની એ યાદો મધ્યે,

પ્રીત કેરો વૈભવ ગાજે.