સમેટાયેલી યાદો

શું વિસાત આ સમયની ને,

એ પ્રેમભરી સમેટાયેલી યાદોની,

એક ગામડાનું કાચું એ ઘર,

એમાં મારો થયો તો જન્મ,

એમાં સહુ રહેતાં અમે સંગ,

નાનકડું ચોગાનને આંગણું,

બાજુમાં રમવાનું એ મેદાન,

હતી એ સુંદર નાની જગ્યા,

બસ એને બનાવ્યું તું રમતનું ઘર,

હું શીખી ત્યાં પાપા પગલી કરતાં,

કાલીઘેલી વાણીએ બોલતી,

ગુંજતો એ માનો ટહુકાર મીઠો.

નાનો પણ અહેસાસ પ્યારો,

નાણાં નહોતાં ઝાઝાં ઘરમાં,

બહું સંતોષની ખુશી છલકતી.

સાથે મળીને જ ભોજન કરતાં,

કદી ન વિસરાય એ મધુર દિન,

બસ હવે વ્હાણા વીત્યાં ને હવે,

પ્યારૂ ઘર એ મહેકતું યાદોનું,

લાગણીઓથી રેલમછેલ થયું !