સલામ દોસ્ત !
સલામ દોસ્ત !
ગાડીમાંથી એ નીચે ઉતર્યો,
હું પણ નીચે ઉતર્યો,
એની નવી મર્સીડિસ હતી,
અને મારું જૂનું એકટીવા !
બે ડગ ચાલી તેણે મોબાઈલ કાઢ્યો,
મેં પણ લગભગ એમ જ !
એનો હતો લેટેસ્ટ આઈ -ફોન,
મારો સેકન્ડ હેન્ડ નોકિયા !
ફોનમાં વાત શરૂ કરી એણે,
ફોનમાં વાત શરૂ કરી મેં.
એણે વાત કરી રિયલ એસ્ટેટની,
અને મેં મારા બોસ સાથે !
ચાલતાં એણે ખિસ્સામાંથી કાઢી,
મેં લગભગ એમ જ !
એની હતી મોંઘીદાટ ચિરૂટ,
ને મારી તો સાધારણ બીડી !
મેં ધ્યાનથી જોઈ તેને,
કાંડે રોલેક્સ ઘડિયાળ હતી,
તીરછી નજરે તેણે માપી,
મારી ચોર બજાર બ્રાન્ડની !
આખરે સામસામાં અમે ટકરાયા !
એણે નજર ચૂકવી મારી,
વચલા થાંભલાની ઓથે,
મેં નજર ઝુકાવી મારી,
બાળપણનાં સાથી સામે !