સાચું શૌર્ય શું ?

કોણ સમજે છે આજે ખરેખર,

કોને કહેવાય સાચી બહાદુરી ?

એક સ્ત્રી પર કરવી જબરદસ્તી,

એની સરેઆમ થતી બેઈજ્જતી,

શું આ છે પુરૂષનું મોટું પરાક્રમ ?

એક વ્યક્તિ જેને થોડી મુલાકાતે,

બનાવી લે છે એને જીવનસાથી,

બાહોમાં એની શોધે પ્રેમની હુંફ,

પોતાનાં કરતાં દોહ્યલો વિશ્વાસ,

શું આદર્યું છે આજે નરાધમોએ ?

કહેવાય છે સ્ત્રીઓનો જમાનો,

છતાં છડેચોક લૂંટાય છે આબરૂ,

શૌર્ય હોય તો અજમાવી જુઓ,

સ્ત્રીની ઇજ્જત બચાવી જુઓ.

નહીં કરવાં પડે પછી કોઈ મોરચા,

સહુને મળશે જીવન આઝાદીનું !