પરમ લક્ષ
પરમ લક્ષ
1 min
157
આમ જુવો તો હું મારા જ ઘરમાં છું
પણ ખરેખર તો એકાંતના નગરમાં છું,
તમારી યાદોનાં જર્જરિત ખડેરો વચ્ચે,
સદા વહી જતા સમયની નજરમાં છું !
જે કદી અખબારે જ નથી ચડી શકી,
એવા એક અમર પ્રેમની ખબરમાં છું !
ભલેને ખરી પડું ખીલીને શાખથી નીચે,
ખરી ગયા પછી તો કાયમ અત્તરમાં છું !
આ હરતી ફરતી જીવતીલાશોની વચ્ચે,
જ્યાં હાજર હોઉં છું ત્યાં કબરમાં છું !
પનઘટ સુધી તમે પદયાત્રા તો કરો,
પાતાળેથી પનિહારીની ગાગરમાં છું !
એક બુંદમાં તું જેને જયારે મળ્યો છે,
એટલો ને એવો જ હું સાગરમાં છું !
'પરમ' લક્ષ માટે ચાલ્યા જ કરું છું,
જાણે જન્મોથી 'પાગલ' સફરમાં છું !