પ્રેમ

દયાવાન એતો, દેવ દુલારો દુઃખ દૂર કરનારો, 

પૃથ્વી પર અઢળક અવતારમાં જન્મ લેનારો, કોણ ?

પ્રેમનો સાગર, કાનુડો મોરલીવાળો !

પ્રેમનો પર્યાય, સોળસો ગોપીઓ છોડી, રાધાને પસંદ કરનારો,

છતાં, સુદામા જેવા મિત્રોનો ખ્યાલ રાખનારો, કોણ ?

પ્રેમનો સાગર, કાનુડો મોરલીવાળો !

તેત્રીસકરોડ દેવતાઓમાં લાગે બધાથી ન્યારો,

માખણચોર મટકી ફોડનારો, તો પણ લાગે પ્યારો, કોણ ?

પ્રેમનો સાગર, કાનુડો મોરલીવાળો !

અઢળક નામ ધરાવનારો, મારો વ્હાલો,

દ્વારકામાં દ્વારકાધીશ, તો ડાકોરનો ઠાકર, કોણ ?

પ્રેમનો સાગર, કાનુડો મોરલીવાળો !