પણ મા તારી હાજરી વગર
પણ મા તારી હાજરી વગર
1 min
236
જમવાને સ્વાદિષ્ટ પકવાન છે ને પીવાને વિવિધ પીણાં,
પણ મા તારા હાથ વગર,
ભોજન ફિક્કું લાગતું !
બંગલા ને ગાડી છે ને દોમ સાહ્યબી છલકાય છે,
પણ મા તારા આશિષ વગર
સુખ નથી લાગતું !
ઢોલિયા ઢળાય છે ને શૈયા રૂડી સજાય છે,
પણ મા તારા ખોળા વગર
જાગરણ રોજ લાગતું !
સગાં સ્નેહીઓ મળે છે ને સંબંધો સચવાય છે,
પણ મા તારી હાજરી વગર,
સૂનું બહુ લાગતું !
'ચાહત' ને લાગણીથી કુટુંબ ઉભરાય છે,
ને સૌની કાળજી લેવાય છે,
પણ મા તારાં હેત વગર ફિક્કું સહુ લાગતું !
માં તારી હાજરી વગર જીવન સૂનું લાગતું !