પહેલો વરસાદ

વહેલી સવારના પહેલા પહોરમાં, 

શ્વાસ મહેસુસ થતાંની સાથે જ

મ્હેક્તી ભીની માટીની ખુશ્બૂ

એટલે જાણે તારા અગમન પહેલાં 

કોઈ અત્તર જેવું મ્હેંકાવતું.

ગરમીની સખત અકળામળ પછી, 

અચાનક એક ઠંડી લહેર જાણે ફેલાઈ,

આળસ મરડીને જાણે હમણાં જ, 

નવી તાજગી આ સવારમાં લહેરાઈ.

વાદળો પણ થાકી ગયાં છે રમતાં 

આ છીપનછીપાઇના ખેલમાં,

એટલે તો એ પણ વરસી રહ્યા છે ગેલમાં.

આજે સૌ કોઈ હરખાય છે,

મૌસમના પહેલા વરસાદના આગમનમાં ...

એટલે જ કદાચ "દિલથી" ખુશી અનુભવાય છે.