મન
મન
1 min
448
આ મન છે કોઈ માણસ નથી,
કે તેને કેદ કરી શકાય.
એ ક્યારેક ચકલીની જેમ,
જ્યાં ત્યાં ઉડ્યા કરે છે તો,
ક્યારેક કોઈ મધમાખીની જેમ
કોઈ ચોટ પર ચોંટી જાય છે.
એ ક્યારેક વરસાદના હરખમાં મગ્ન,
મોરની જેમ નાચી ઉઠે છે તો,
ક્યારેક રાતના ઘુવડની જેમ
એકલું પોતાનામાં મૂંજાયા કરે છે.
એ ક્યારેક કોયલની જેમ મીઠી મીઠી
વાણીમાં વાતો કરીને ટહુકે છે તો,
ક્યારેક તે સાવ અચાનક કર્કશ
કાગડાની જેમ ગુસ્સે થઇ જાય છે.
"સંધ્યા" આ મન છે કદાચ,
તારા શબ્દો એને વર્ણવી નહીં શકે,
કારણકે એને કોઈ તળ (તળિયું )નથી,
કે ઉડી જતાં કોઈ રોકનાર નથી.