નિર્ણાયક
નિર્ણાયક
1 min
236
સમયની ભૂમિકા તો છે નિર્ણાયકની સદાયે,
સમજની દૂહિતા તો છે નિર્ણાયકની સદાયે,
સરળ ના કોઈની છે જિંદગી પણ એકસરખી,
અલગ એ સંહિતા તો છે નિર્ણાયકની સદાયે,
કસોટી આવતી હરદમ કદમ પર કેટલીયે,
કડક એ કંડિકા તો છે નિર્ણાયકની સદાયે,
જરા શી ચૂક પણ લઈ જાય અવળી રાહ પર તો,
નજર એ કૂંજિકા તો છે નિર્ણાયકની સદાયે,
લવણનો ભાર ના ઓછો વધુ ચાલે રસોડે,
ખરેખર ચૂલિકા તો છે નિર્ણાયકની સદાયે,
વિચારીને કરે નિર્ણય પરિણામો તો સરસ આવે,
અલગ એ સંગીતા તો છે નિર્ણાયકની સદાયે,
હશે અંદાજ પણ એના અલગ કોઈ મિજાજે,
તરલ એ નંદિતા તો છે નિર્ણાયકની સદાયે.