મૃત્યુ
મૃત્યુ
અનિશ્ચિતતાની નિશ્ચિતતામાં ઘેરાયેલું નગ્ન સત્ય
એટલે મૃત્યુ, હા આ મૃત્યુ
કાળે કે અકાળે
હોય છે વસમું સદા આ મૃત્યુ
કંઈ કેટલાય મૂંઝવતા પ્રશ્નો
મુશ્કેલીઓ છોડી જાય આ મૃત્યુ
ક્યારેક વ્યક્તિનું તો ક્યારેક
સંબંધોનું વિલીનીકરણ કરી જાય આ મૃત્યુ
વર્ષોની હૂંફ ને પળમાં પનોતા કરી જાય આ મૃત્યુ
સતત વર્તાતી હાજરીની નોંધને
ક્ષણવાર માં નોંધાવે એ ગેરહાજરી
એ જ છે આ મૃત્યુ
સમજાય તો સમજાવી જાય
અને ના સમજે તો અણસમજમાં જાય આ મૃત્યુ
જન્મથી મૃત્યુ સુધી કંઈ કેટલીયે
વ્યથામાં અટવાય છે શરીર
ને અંતે તો રાખ અહી જ બને શરીર
ને પ્રયાણ કરે શ્વાસ જ માત્ર એવું આ મૃત્યુ
છે ને આ ખરી અનિશ્ચિતતાની નિશ્ચિતતા
આ મૃત્યુ હા આ જ મૃત્યુ.