મને ગમે છે મારા હસ્તાક્ષર

મને ગમે છે મારા હસ્તાક્ષર,

મારી ઓળખાણ છે હસ્તાક્ષર,

શબ્દો શબ્દોના રોમ રોમમાં,

સંઘરાઈ ગયા છે મારા હસ્તાક્ષર,

મારી જાતને મે પરિશ્રમી ખૂબ જ માની

જેની સરળ સાબિતી છે મારા હસ્તાક્ષર,

કોઈ પૂરી ના કરી શકે મારી મહેચ્છાઓ,

આ કલમથી લખાય છે મારા હસ્તાક્ષર,

જો તમને યાદ આવું તો વાંચી લેજો તમે,

સીધા સાદા સરળ મારા આ હસ્તાક્ષર,

ગમો અણગમો તો રહેશે તમને સદા મારા પર,

પણ દિલના ખૂણે સાચવી લેજો મારા હસ્તાક્ષર,

'દિશ' કહે છે પ્રેમથી મારી લાગણીઓ સમજીને

પ્રેમથી સ્વીકાર કરી લેજો મારા આ હસ્તાક્ષર.