મારી માવડી

ખમ્મા મારી માવડી,

આવી તે રીત તને કેમ કરી આવડી ?

ભૂખી રહી પોતે બાળકને ખવડાવતી, 

હાલરડાં ગાઈને એને હેતે સુવડાવતી...! 

ખમ્મા મારી માવડી,

આવી રીત તને કેમ કરી આવડી ? 

સંસ્કારનું સિંચન કરી સાચા-ખોટાનો ભેદ સમજાવતી,

જિદ્દ પર ચડેલ બાળકને વહાલથી ટપારતી.

ખમ્મા મારી માવડી,

આવી તે રીત તને કેમ કરી આવડી ?

કાચી માટીના બાળકને આકાર આપી વિશ્વ માનવ બનાવતી, 

નાસીપાસ બાળકને તું જુસ્સાથી સહેલાવતી.

ખમ્મા મારી માવડી,

આવી તે રીત તને કેમ કરી આવડી ?

મા તારો પાર પામવો ઘણું છે કપરું,

પ્રભુ પહેલાં તારા જ નામનાં જપ કરું.