માર્ગદર્શન

ચાલવું છે મારે ચાલવું છે હવે,

મારે જીવનભર ચાલવું છે..

કાંટાળી કેડી કે ફૂલની ક્યારીમાં,

કંટક-સુગંધ સંગ મ્હાલવું છે..મારેે..

ભમરા, મધમાખી, કરોળિયાની જાળમાં, 

ભમરીનાં મહેલ મહીં જાવું છે..મારેે..

વાડી-ખેતર, શેઢા નહેરમાં,

ઢેફા, ધૂળ સાથેે અથડાયું છે..મારે

આંબલી, પીપળો, વડ કે લીમડો,

એવું તરું મારેે આંગણે વાવવુંં છે..મારે..

બાળકોના બાવડામાં બળ ભરવાને,

વ્યસન-ફેેેશન સામે લડવું છે..મારેે..

રોગ-ભોગ, વૈભવ-વિલાસનેે ત્યાગી,

યોગ થકી, યુવાધન સુધારવું છે..મારે.

આખરે હું માનવ છું માનવતા દાખવુું,

પછી સાચી સેવાનું ફળ ચાખવું છે..મારે.