મારે

મનની બારીમાંથી કશુંક ફેંકવું છે મારે,

યાદોની ગુફામાં થોડું ફંફોસવું છે મારે.

આમ તો હું મારામાં એકાંતને વાવું છું,

આજે કોલાહલનું બીજ વાવવું છે મારે.

જે એમાં ગડીબંધ એમ જ પડેલું છે,

કશુંક ફાડીને આઘું ફેંકી દેવું છે મારે.

ખબર છે કે આ બધું નહિ ગમે એને,

થોડુંક એનું પણ મન તોડવું છે મારે.

કાયમને માટે જડાયેલ મુજ હૈયામાં જે,

પ્રથમ વાર થોડુંક અલગ કરવું છે મારે.

જાણું છું સહેલું નથી આમ કરવું 'જશ',

વેદનાના કાંટાળા માર્ગ પર ચાલવું છે મારે .