મારા સપનાંની સવારી

સાઇકલ ચાલે મારી સરરર... સરરર,

બચપણ વિત્યું જેની સંગે મારું ફરરર... ફરરર.

લેતી કલાકનો એ પૈસો પણ આપતી આનંદ અનોખો,

આજે મળે ના એવો મોકો, વેડફતાય રુપિયા લાખો.

એક સાઈકલમાં પણ કરતાં સવારી ત્રણ-ત્રણ, 

આજે ઓડીમાં પણ સમાય માત્ર એક જ જણ.

કામ બધાં જ થઈ જાય ચાહે દિન હો યા રૈન,

મંઝિલે પહોંચાડે તરત પૈડાં એનાં દોડે શતાબ્દીની જેમ.

વિતાવેલી પળો આવે નહીં પાછી અફસોસ થાય એક,

સાઇકલની સવારીમાં જોડાયેલી છે હજી યાદો અનેક.