માઁ નો ગરબો રે

માઁ નો ગરબો રે..,આવ્યો નવલી નવરાત્રીની રાતોમાં,

રમતો-ભમતો રે.., આવ્યો નવલી નવરાત્રીની રાતોમાં.

અંબે માઁ ગરબીમાં આજે તો ઢોલ-નગારા બાજે છે,

હરતો-ફરતો રે.., આવ્યો નવલી નવરાત્રીની રાતોમાં.

આશાપુરી માઁ આવો આજ સહેલીઓ સાથે રમવા,

ઢબતો-તરતો રે..,આવ્યો નવલી નવરાત્રીની રાતોમાં.

આપ અમારું ભાવસભર નિમંત્રણ સ્વીકાર કરી આવો,

હળતો-મળતો રે.., આવ્યો નવલી નવરાત્રીની રાતોમાં.

હે,બુટ ભવાની માઁ ચાચરમાં ગરબે રમવા આવો ને,

હસતો-જમતો રે.., આવ્યો નવલી નવરાત્રીની રાતોમાં.