લૂંટવા પતંગ
લૂંટવા પતંગ
1 min
442
ગુલાબી ઠંડી, સોનેરી કિરણ,
નીલ ગગન, પચરંગી પતંગ
આવો વ્હાલાઓ, લૂંટવા પતંગ !
નાની- મોટી, કાળી-ધોળી પતંગ,
ગેસના ફુગ્ગા ને સ્પાઈડરમેનને સંગ
ભગવાનની ફીરકી ને ગુલાબી દોર,
આવો વ્હાલાઓ, લૂંટવા પતંગ !
એફ.એમ. રેડિયો ને ડી.જે.ના તાલે,
"લપેટ-લપેટ"ના નાદે, ચિચિયારીઓને સંગ
આવો વ્હાલાઓ, લૂંટવા પતંગ !
શેરડીનો સાંઠો ને મમરાના લાડું,
તલની ચીકી ને જીંજરાને સંગ
ગરમાગરમ ઊંધિયું ને ઘઉંનો પોંક,
આવો વ્હાલાઓ, લૂંટવા પતંગ !
કાગળનું ફાનસ ને બત્તી ગૂલ,
ઓસરતી સાંજ ને આંખો નમ
આવો વ્હાલાઓ, લૂંટવા પતંગ !