કટાક્ષ

મુર્ખામી કરે ઉજાગર

વિનોદના કારીગર 

ભોળાને ભરમાવે

કાચાને કરમાવે

શાતિરને શરમાવે

ગુંડાને ગરમાવે

નાનાને નરમાવે

ટીકા ટિપ્પણી જમાવે 

કરી અતિશયોક્તિ

વાંચી વક્રોક્તિ

ભાંગે ભોળી ભક્તિ

ઉઘાડી કરે યુક્તિ

મનમાની મુક્તિ

કરે ચોંકાવી ચકિત 

ઠઠ્ઠા મશ્કરી 

વેશ લશ્કરી 

ગંભીર ક્યારેક 

હળવું ક્યારેક 

કરે સરખામણી 

લાગે અળખામણી 

તાણે વ્યંગ બાણ 

શિખામણ તણી ખાણ 

કટાક્ષ કંચન કિંમતી 

સૂક્ષ્મ અતિ મતી 

મુર્ખામી કરે ઉજાગર

શબ્દ ચિત્ર બાજીગર