ખૂબ નહાવું છે નહીં ?

છત્રી હોય તોય પલળવાની મજા બિન્ધાસ્ત લેવાતી,

પાણી ભરેલા વિસ્તારોમાં કૂદકા મારીને મન મૂકીને નવાતું,

ને પેલી ભીની માટીની સુગંધનો દરિયો શ્વાસમાં ભરી,

એજ ભીની માટીમાંથી કેવા મજાના ઘરો બનતાં !

અને આજે સિમેન્ટના ઘરોમાંથી બહાર નીકળતી વેળા,

રેઇનકોટ લેવાનું ભૂલાતું નથી,

પલળવાની ક્યાં વાત કરો છો ?

વાંછટથી પણ દૂર ભગાય છે,

આ ભીંજાવાની એલર્જી ખરીને,

પણ ઉંડે ઉંડે બાળપણમાં જીવાતું ચોમાસું,

ફરી એકવાર જીવવાની ઇચ્છા ખરી,

ને મને લાગે છે,આપણે બધાએ,

તરબતર વરસાદમાં પલળીને,

ખૂબ નહાવું છે નહી ?