ખોવાયેલું બાળપણ
ખોવાયેલું બાળપણ
1 min
204
વીતી ગયેલો સમય ગોતું છું,
ખોવાયેલું બાળપણ ગોતું છું,
ખબર નથી મને, મને શું ગમે,
લોકોના ગમા - અણગમા ગોતું છું,
એ કાલી - ધેલી કુમળી ક્ષણોને ,
વોટ્સ અપ - ફેસ બુકમાં ગોતું છું,
આજને કરી આંખ આડા કાન,
રોજ આવતી કાલને ગોતું છું,
ભૂલી હેમ - દોસ્તીના ધબકાર,
પિત્તળ સંબંધના રણકાર ગોતું છું,
ઓઢી ભર બપોરનો છાંયડો,
સમી સાંજે નો તડકો ગોતું છું,
તારું - મારું જ્યાં સહીયારું હતું,
એ દોસ્તના ખભે શાતા ગોતું છું,
વ્યવહાર નહીં સ્વભાવ ગોતું છું,
દાવપેચ વિનાનું ખડખડાટ હાસ્ય ગોતું છું.