કારણ નથી

આ તમામ દર્દનું વિમોચન કયાં કરું,

આ દર્દ, દીવાનગીની કોઈ દવા નથી શું ?

સાચવેલા પત્રમાં સ્પર્શ જૂના નીકળ્યા,

ઊના કાગળમાં આ યાદ છલકાતી નથી શું ?

જો થઈ જશે લગાવ ફરી તો સ્વભાવ થઈ જઈશ,

સ્પંદન મળ્યા બે ઘડી, એ ક્ષણ હથેળીમાં ઇતિહાસ નથી શું ?

ડૂબી જશો જો આંખમાં તો બચી શકશો નહિ,

રોઈ ને રણ છે ભર્યા, આ હૈયાની ભીનાશ નથી શું ?

દિલ જવા તો દીધું કોઈના હાથમાં,

એ પણ મને હવે ગમે છે, તને ખબર નથી શું ?

ભાવે છે મને ભાર કોઈ કારણ વગર 

કારણ નહિ આપું, કે કાવ્યનું આ શીર્ષક નથી શું ?