જૂનાં છાપાં

શી ઉતાવળ છે છાપાં આડા મૂકવાની ?

આ તો હજી ગઇકાલનાં જ છે ને ?

તેના સમાચાર પણ હજી તાજા જ છે ને ?

થોભી જા ને બે ઘડી, ઘડીક મૂકી રાખને તેને પાસે,

ગઈકાલની કાલની કાલે, છાપાંમાં આવ્યા હતા,

એ સમાચાર તો મારા પોતાના જ છે ને ?

મરણનોંધમાં આવેલું મારું નામ, હજી તાજું જ છે ને ?

અરે, કાલ સુધી તો છાપાં હું ખુદ વાંચતી હતી,

છાપાં પણ હતા નવાં,

પરંતુ હવે, છાપાં સાથે ગડી વાળીને મૂકાઇ ગઇ,

તે ગડી ને તે ક્ષણ - જતાંની સાથે જ, કશેક દૂર-દૂર.