જરા તું મને
જરા તું મને
ઉડવું છે આજે ખુબ જ ઉધ્ધર મારે
જરા તું મને થોડું આસમાન તો આપ
ચૂમવું છે આ પ્રકૃતિની ખુબસુરતીને
જરા તું મને થોડી વાર પાંખ તો આપ
સજાવું છે આ માથે બીજાના નામનું સિંદૂરને
જરા તું મને સુંદરતામાં વધારે એવા કેશ તો આપ
દેખવું છે આ દુનિયાના નાના નાના જીવને
જરા તું મને ચહેરે સુશોભીતનેત્ર તો આપ
ચાખવું છે આ ખટમીઠ્ઠા અનેરા સ્વાદને
જરા તું મને આ સ્વાદની ઇન્દ્રિય તો આપ
સૂંઘવું છે આ રંગબેરંગી ફૂલોની ગુલિસ્તાન ને
જરા તું મને પારખવાની ઘ઼ાણિન્દ઼િય તો આપ
સમજવુ છે આ દુનિયાની લીલાઓને
જરા તું મને શ્વાસ લેવાનો મોકો તો આપ
સાંભળવું છે આ કિલ્લોલ, સૂર, કલરવ ધ્વનિને
જરા તું મને સુંદરતાને સંપૂર્ણ કરે એવા કર્ણ તો આપ
ડરવું છે આ દુનિયાના કર્મ, ફળ નિયમ ને
જરા તું મને દેહ રૂપી સુંદર આત્મા તો આપ
નમવું છે આ પ્રેમ ભરી લાગણીઓને
જરા તું મને આ દેહમાં હૃદય તો આપ
ભરવું છે આ સ્વપ્નની દુનિયામાં નવા રંગને
જરા તું મને રાત્રે આરામદાયક નિંદ્રા તો આપ.