હું કરતો ગયો...
હું કરતો ગયો...
1 min
410
ગમ્મત કરતો ગયો ને રમત રમતો ગયો,
જિંદગીને તારી હું અંધારી કરતો ગયો.
ખુશીઓ જે તે સમેટી રાખી હતી જિંદગીમાં,
પળપળના સાથથી એ ઓછી કરતો ગયો.
નવા શમણાં જે તે રંગબેરંગી સજાવ્યા હતા,
મારા કલંકિત પડછાયાથી ધૂંધળા કરતો ગયો.
પ્રણયમાં લાગણીઓ મળે એવી આશા હતી,
ક્ષત-વિક્ષત કરી ધુમાડા એના હું કરતો ગયો.
વિશ્વાસ મુક્યો હતો અનરાધાર જે તે મારા પર,
શ્વાસ પણ ના લઈ શકાય એવો હું કરતો ગયો.
કીચડ હમેશાં કીચડ જ રહે એને સાફ ના કરાય,
એવી લોકવાયકા ફરી સાબિત હું કરતો ગયો.