ગુસ્સો એક આવેશ

ઇચ્છા વિરુધ્ધની ઘટના ઘટતાં આવે છે ગુસ્સો. 

આમ જોઈએ તો કોઈનેય ક્યાં ફાવે છે ગુસ્સો.

ક્રોધના આવેગમાં વિવેકશૂન્યતા વર્તને આવતી,

અગનગિરા મુખથકી કેવી એ પ્રગટાવે છે ગુસ્સો. 

નૈનમાં રાતાશ દેખાતીને વાણીને થોથરાવતો એ,

સ્નેહ સુંવાળા સંબંધો ક્યારેક ભૂલાવે છે ગુસ્સો.

કટુ વચનને આવેશસંગે અનર્થ ઉપજાવી જંપતો,

ભૂલ નિજની પર્વત જેવડી પણ છૂપાવે છે ગુસ્સો .

દોષ બીજાના દેખીને વાકપ્રહાર કરીને વિરમતો,

નબળી ક્ષણોમાં હિંસાને પણ ફેલાવે છે ગુસ્સો. 

સમયોચિત આગમન એનું હશે કદીએ સ્વીકાર્ય,

કેટકેટલાંનાં રક્તને વૈખરી થકી ઉકાળે છે ગુસ્સો .

શાંતિ ધીરજ ક્ષમાબક્ષિશ ટાળનારાં છે શસ્ત્રો,

ક્યારેક કોઈની જિંદગી અકાળે ટાળે છે ગુસ્સો.