ગોતું છું

વીતી ગયેલો સમય ગોતું છું,

ખોવાયેલું બાળપણ ગોતું  છું.

એ કાલી-ઘેલી કુમળી ક્ષણોને,

યુવાનીના લિબાસમાં ગોતું છું.

આજને કરી આંખ આડા કાન,

રોજ આવતી કાલને ગોતું છું.

ભૂલી હેમ - દોસ્તીના  ધબકાર, 

પિત્તળ સંબંધના રણકાર ગોતું છું.

ઓઢી ભર બપ્પોરનો છાંયડો,

સમી સાંજેનો તડકો ગોતું છું.

તારું - મારું જ્યાં સહીયારું હતું,

એ દોસ્તના ખભે શાતા ગોતું છું.

વ્યવહાર નહીં સ્વભાવ ગોતું છું,

દાવપેચ વિનાનું ખડખડાટ હાસ્ય ગોતું છું.