ઘોડાગાડી રિક્ષા

ઘોડાગાડી રિક્ષા.....રિક્ષામાં બેઠા સિંહ રાજા

ઓ મારા વાઘભાઈ જંગલમાં વગાડાવો વાજા

રીંછને લાવજો, ચિત્તાને લાવજો

જંગલમાં ખોલી છે નિશાળ

એકડ એક શીખીશું ને ભણીશુંં

રમવાનું મેદાન છે વિશાળ

ઓ મારા શિયાળભાઇ તમે બોર લાવજો તાજા

ઘોડાગાડી રિક્ષા.....રિક્ષામાં બેઠા સિંહ રાજા

સસલાને હરણને લાવજો

સાથે બેસીને રમત રમીશું

ઘડિયા ગાશુંં કવિતા બોલીશું

શાળામાં સાથે હરીશું ફરીશું

ઓ મારા હાથીભાઈ તમે કેળા લાવજો ઝાઝા

ઘોડાગાડી રિક્ષા.......રિક્ષામાં બેઠા સિંહ રાજા