એ દોસ્ત
એ દોસ્ત
1 min
151
મુજને એ તો કહી દે, મારી ખતા શું છે દોસ્ત ?
અમે ચાહ્યા છે એ હદથી, સીમાડા શું છે દોસ્ત ?
ચલો એમ તો, અમારી કદર થશે મહેફિલમાં,
ઉધારી છે જાત આખી, ઓછાવત્તા શું છે દોસ્ત ?
રહ્યા છીએ હજુયે યાદ તમને એના પુરાવા છે,
હથેળીના સ્પર્શો પૂછે છે, કહો સજા શું છે દોસ્ત ?
જિંદગીભર ઝૂરતો રહ્યો છું હું એજ તો દ્વિધામાં,
સાલી, વિરહ પાછળની, વારતા શું છે દોસ્ત ?
આમ અમે ભેદ જાણી, ચૂપ રહ્યા છીએ 'કિરન'
બસ તું જ જણાવ હવે આ વ્યથા શું છે દોસ્ત ?