દુશ્મનાવટ
દુશ્મનાવટ
1 min
205
કોને ખબર જિંદગી ક્યારે કરવટ લે છે,
જિંદગીભરનો હિસાબ સડસડાટ લે છે,
આપી હોય જેને ચંદન બની શીતળતા,
એજ ઉકળતો ચરુ બની ઉકળાટ દે છે !
જિંદગીમાં આપી છે મેં કંઈકને પછડાટ,
ને આજ જિંદગી ધોબી પછડાટ દે છે !
માંગો એમ તો જિંદગી ક્યાં કશું જ આપે છે,
ના માંગો તોય જિંદગી દુઃખભર્યો પનઘટ દે છે !
આપ્યો હોય સદા દોસ્ત ગણી જેને અંતરપ્રેમ,
કાન્તાસુત એ દોસ્ત દુશ્મન થૈ દુશ્મનાવટ દે છે !