દોસ્ત
દોસ્ત
મારા મનના દરિયાનો તું જ છે એક કિનારો,
મારી જીવનનૈયાને હંકારતો તું જ છે એક સહારો !
નથી હોશ મારે કોઈ અઢળક સંપત્તિના ઢગલાંની,
મને તો છે માયા મારા હૈયે કંડારેલ તારા પગલાંની !
વ્હાલું લાગે છે મને તારા ચહેરાનું સ્મિત,
માયા એવી બંધાણી જાણે જન્મોજન્મની પ્રીત !
નથી લખાયો સંબંધ તારો ને મારો લોહીની કલમે,
તો ય ઝંખે છે આ દિલ તારો સાથ દરેક કદમે !
આપણી જોડીનો સદા સાક્ષી રહ્યો છે આ જમાનો,
તારી ને મારી દરેક પળો જાણે લાગણીનો ખજાનો !
તારા માટે તો દરેક મુસીબતોથી હું લડી જાણું,
આંચ ન આવે કોઈ તને એ જ પ્રભુને દુઆ કરું !
બંધન તારું ને મારું ક્યારેય ન થાય અસ્ત,
ભવોભવના બનીશું સાથી હું ને મારો દોસ્ત !