STORYMIRROR

Deepak Trivedi

Others

3  

Deepak Trivedi

Others

અંધકારના કવિ

અંધકારના કવિ

1 min
20.3K



અંધકારના કવિ અમે તો અંધકારને વરિયે !

અંધકારનાં સાથળ ઉપર ઠીક પડે તે કરિયે


અંધકાર તો દરિયો

અંધકાર તરવરિયો

અંધકાર સાંવરિયો

અંધકારની છાતી ઉપર અંધકાર પાથરિયે !

અંધકારની ચાબૂક ઝાલી રથમાંથી ઉતરિયે !


અંધકાર તો ખણખણ

અંધકાર તો ધણણણ

અંધકાર તો જણણણ

અંધકાર ને ક્યાં છે કાંઠા ભીતરમાં પરહરિયે !

અંધકારના આલિંગનમાં આવોને મધદરિયે !


અંધકાર તો હુક્કો

અંધકાર જળકુક્કો

અંધકાર નિજભુક્કો

અંધકારના છીએ પ્રવાસી તડકામાં થરથરિયે !

અંધકારની લિપિ ઉકેલી બાંધી દઈ ઘુઘરિયે !


અંધકાર ખીસકોલી

અંધકાર ઘરખોલી

અંધકાર રંગોલી

અંધકારની પાંખો વચ્ચે આંખોનું જળ ભરિયે !

અંધકારની આંગળીયેથી ક્યાં જઈને ફરફરિયે !


અંધકારના કવિ અમે તો અંધકારને વરિયે !

અંધકારનાં સાથળ ઉપર ઠીક પડે તે કરિયે !


Rate this content
Log in