અબોલા મને સતાવે છે

અબોલા જોને તારા મારુ કેવું દિલ દુખાવે છે 

ન દિવસે ચેન આવે કે ન રાતે નીંદ આવે છે,

સમય મારા જ માટે જો નથી મળતો હવે એને,

નહીં તો એ બધા સાથે સમય પૂરો વીતાવે છે,

બધાની સાથ વર્તે પ્રેમથી વાંધો જ મારો છે

ખબર કંઈ નથી પડતી મને શાને સતાવે છે ?

 

ખુદા તું પણ હવે એવો જ નીકળ્યો છે પથ્થરદિલ 

અપાવી યાદ ને એની મને કેવો રડાવે છે,

હવે માની જશે એ આશ છે આખરી "સંગત"

હદે છેલ્લી તને બે હાથ જોડીને મનાવે છે.