సముద్ర తీరాన బాల్యం

పాఠశాల లేకపోతే

సాగర తీరానికి పరుగు

జాలరి కుటుంబంలోని నలుగురు పిల్లలకూ

అలలే ఆటవిడుపు

పెద్ద పడవల్లో చేపల వేట

చూసి వచ్చింది ఒక ఆలోచన

నేర్పుగా పిల్లాడు చేసాడొక చిన్ని పడవ

తెరచాపతో కూడా కదిలిందది 

అలలు దాన్ని నెడుతూ

ముందుకూ వెనక్కూ కదిలిస్తుంటే

పిల్లల ముఖాల్లో ఆశ్చర్యం

చప్పట్లు కొడుతూ ఒకరు

చాలు చాలంటూ ఒకరు

సమయాన్ని తోసి గడిపారు 

చేప పిల్లలు

నత్త గుల్లలు

శంఖాలు ఏరడం

పర్యాటకులకు వాటిని అమ్మటం

సముద్ర తీరాన బాల్యం

రోజూ కొత్త అలలా అనిపించింది...