గుండె లేఖ

ప౹౹

గుండె లేఖనే రాస్తున్నా ఎదలో భావాలే ఒకటిచేసి

ఉండ లేకనే చూస్తున్నా మదిలో ఊహలే కలబోసి ౹2౹

చ౹౹

కల ఒకటీ కబురే చేసిందీ కలవరించకే ఓ మనసా

పలవరించి ఫలితమే నిలువరించకే సరి వయసా ౹2౹

కమనీయమే కదా ఆ పరవశం కనులతో చూడనే

సమయమీయవా మనసుకు సయోధ్యతో వేడనే ౹ప

చ౹౹

గుండెగాయానికి గుబురించే వలపు కదా ఔషధం

దండకూర్చి మరులనే దగ్గరచేర్చ లేదుగా నిషేధం ౹2౹

ఊసులూ ఊరించీ ఓ ఉత్తరమై ఉత్సాహంతోను

బాసలుగా మారి ప్రేరేపించెనూ ప్రోత్సాహంతోను ౹ప౹

చ౹౹

ప్రేరణే పెట్టుబడివాహినిగా సాగెను గుండె లేఖినీ

ఉత్ప్రేరణా తలపులే తమకమై నింపెనూ లేఖనీ ౹2౹

జాబు రాశాకా వేచి ఉన్నానులే జవాబు కోసమై

జాగు లేక నడిపించనీ మనసులో ఓ సన్నివేశమై ౹ప౹