ఎదురుచూపు

సేపల ఏటకు ఎళ్లిన మావా 

సాలా రోజులయ్యిందేరా 

పెతి రోజూ రేతిరి ఐతే 

నీ రాకకై చూత్తున్నానే 

కచ్చదీవుకెళ్ళొద్దన్నానే 

సెప్పినమాట ఇనకపోతివి 

సిలోనువాళ్ళు పట్టుకెళ్లారా 

సింత నాకు ఎక్కువాయెరా 

ఆళ్ళకి తినేకి సరుక్కుల్లేవు 

నీకింకేం పెడతారు మావా 

అనుకుంటేను ఏడుపొత్తాది 

నా వల్ల కాలేదు మావా 

బుడ్దోడేమో నాన్న అంటూ 

నా పేణము తీస్తున్నాడు 

నా మాటలను ఇన్న నీవు 

నా మావకు కబురందించు 

ఓ గాలిదేవుడా నీకే సెప్పేది 

నా మావకు కబురందించు.