எங்கே என் மொழி ?

படிப்பறிவு இல்லாதவனும் 

பாடலை ரசிப்பான் ,

வெறும் கவி வழி 

சொன்னால் புரியாது என்பதால்

செவி வழி சென்றது 

என் செம்மொழி ,

இன்று கவியும், செவியும் 

காய்ந்து கிடக்கிறது 

என் மொழியை மீட்க

என்னதான் வழி ?

நா.முத்துக்குமாருடன் 

நல்ல தமிழ் வரிகள் 

முடிந்து போனது 

இன்றைய பாடலாசிரியர்களிடம்

தமிழ் மடிந்துபோனது !

முனுமுனுக்ககூட 

வரிகள் இல்லாமல்

இப்போதைய இசை என்கிற

இரைச்சலில் , உயிரில்லாத 

உடம்பாய் பாடல்கள்

நான் பழமைவாதியானாலும்

பரவாயில்லை , நல்ல வரிகள்

கொண்ட இசையே 

என் தேடல்கள் !

பள்ளி இல்லா காலத்தில் 

கோணல்மாணலாய் 

எழுதியவன் கூட 

பகுத்தறிவாளன் ஆனான்

சொல்லிக்கொடுக்க ஆசிரியர்

கிடைத்த காலத்தில் 

பேனா பிடித்தவன் 

எழுத்தறிவாளன் ஆனான்

தள்ளி வைத்துக்கொள்ளலாம் 

தமிழை , என்ற வாய்ப்பை வழங்கியதால் 

மெத்த படித்த 

டிஜிட்டல் பிள்ளைகள் இன்று

பகுத்தறிவாளனும், எழுத்தறிவாளனும் எழுத தெரியா 

அறிவுக்குருடன் ஆனான் !

தலை நிமிர்ந்து பேசலாம்

கோவை மதுரை,நெல்லை,

தஞ்சை - ன்  வட்டார தமிழை

ஆனால் தலைவிதியே என

எண்ணுகிறேன் இந்த அண்ணைத் தமிழை அழிக்கும் தலைநகரத்து சென்னை- தமிழை

என்னாத்த சொல்ல 

அன்னாத்த அழிச்சுப்புட்டான் !!

தேர்வுச் சுமை குறைப்பு 

என்ற காரணம் காட்டி

மொழிப்பாடத்தின் இலக்கணம் 

சொல்லித்தரும் இரண்டாம்தாளை

நீக்கிவிட்டனர்

வேரில்லா மரமாய் பிள்ளைகளின்

எதிர்காலத்தை ஆக்கிவிட்டனர் !

இவ்வளவு சொல்லும் நானும்

தமிழ் கொல்லும் குற்றவாளிதான்

பள்ளியில் பக்கம் பக்கமாய்

எழுதினேன் 

கல்லூரியில்   பரீட்சைக்கு மட்டும்

எழுதினேன் 

இப்போதோ பழக்கம் 

விட்டுப்போக கூடாதென 

எழுதுகிறேன் ,

தலைமுறையாய் வளர்ந்து வந்து 

தளர்ந்து கிடக்கிறதே 

'எங்கே என் மொழி ' 

அடுத்ததலைமுறைக்கு ?