ମହାର୍ଘ କ୍ଷଣ
ମହାର୍ଘ କ୍ଷଣ
ସେତେବେଳେ
ଯେତେବେଳେ ଶରୀରର
ସବୁ ଧମନୀର
ଶିରା ପ୍ରଶିରା ଦେଇ
ରକ୍ତ ମାନେ
ଦୃତ ଗତିରେ
ଏଣେତେଣେ ଦୌଡିବା
ଆରମ୍ଭ କରନ୍ତି l
ଦେହରେ ନିଆଁଲାଗି
ଶିହରଣ ଖେଳିଯାଇ
ମନରେ ଖୁବ୍ ଗୁଡ଼ାଏ
ଫୁର୍ତ୍ତିପଣ କେଉଁଠୁ
ମାଡିଆସେ l
ସେତେବେଳେ
ଦୁଇଟି ଦେହ ଓ ମନ
ଏକାକାର ହେବାର
ଭର୍ ପୁର୍ ପ୍ରୟାସରେ
ମାତି ଉଠିନ୍ତି l
ସେ ସ୍ଥାନଟା ପୂର୍ଣ୍ଣ
ଉତ୍ତେଜନା ପ୍ରବଣ
ହୋଇଉଠିବା ସହ
ସେଠି ଶହେ ଚଉରାଳିଶ ଧାରା
ଜାରି ହେବାର ସମ୍ପୂର୍ଣ୍ଣ
ସ୍ଥିତି ଉପୁଜେ l
ସେ ଇଲାକାଟା
ସେତିକି ବେଳେ
ଅନ୍ୟମାନଙ୍କ ପାଇଁ
ନିଷିଦ୍ଧାଞ୍ଚଳ ବୋଲି
ଘୋଷିତ ହୁଏ l
ସେଠି ଯାହା ବି ହୁଏ
ସବୁ ଠିକ୍ ହୁଏ l
କିଛି ଗୋଟେ ଖୁବ୍ ମୂଲ୍ୟବାନ୍
କାର୍ଯ୍ୟ ସମ୍ପାଦିତ
ହେଲା ବୋଲି ଲାଗେ l
ଦେହ ମନ ପୁଲକିତ ହୋଇ
ଆଖି ମୁଦି ହୋଇ ଆସିବା ସହ
କିଛି ଅସ୍ପଷ୍ଟ ଶବ୍ଦ ଓ
ମୂଲ୍ୟହୀନ କଥା
ପାଟିରୁ ଆପେଆପେ
ବାହାରି ଆସେ l
ଏଇ କଣ ସତରେ
ସେଇ ସ୍ୱର୍ଗୀୟ ଅନନ୍ଦରେ
ଭର୍ ପୁର୍ ମହାର୍ଘ କ୍ଷଣ ?
*******************
ପ୍ରଶାନ୍ତ କୁମାର ବେହେରା
ଅଧ୍ଯାପକ , ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,
ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬