ବିରହ
ବିରହ
1 min
6.9K
ଚକୋର ଲେଖିଲା ଚିଠି
ଚକୋରୀ ପାଖକୁ ବସି
ଆହେ ପ୍ରିୟତମା ବୁଝି କି ପାରୁନା
ତୁମ ପ୍ରିୟତମର ମନ କଥା
କାହିଁ ରହିଲ କେତେ ଦୂରେ
ଦେଲ ନାହିଁ ମୋତେ ଦେଖା ।
ଏ ମନ ଖୋଜୁଛି ସଦା
ତୁମରି ମୁହଁରୁ ଶୁଣିବ କଥା
ଚୁପି ଚୁପି ପ୍ରିୟା ମୋର ତୁମେ
କହି ଯିବ କାନେ ମୋର କେତେ କଥା
ସେହି କଥାରେ ଭରିଥିବ
କେତେ ଅନାବିଳ ମଧୁରତା l
ତୁମ ଆଖିର ଅକୁହା ଚାହାଣୀ
ମୋ ହୃଦୟରେ ଭରି ଦେବ
କୁହୁକର ପ୍ରୀତି
ମୋ ଅନ୍ତରରୁ ଭାସି ଆସିବ
ମଧୁର ସ୍ୱରର କୋମଳ ଗୀତି ।
ଆସ ପ୍ରିୟତମା ଶୀଘ୍ର ଚାଲି ଆସ
ବାହୁ ମେଲି ଚକୋର ଚାହିଁଛି
ତୁମରି ପଥ ।।
*******
ଅମ୍ବିକା ସ୍ଵାଇଁ