ହେ ମୋର ପ୍ରେମିକ
ହେ ମୋର ପ୍ରେମିକ
1 min
96
ହେ ମୋର ପ୍ରେମିକ!
ତୁମେ ଆଜି କେଉଁଠି?
ତୁମକୁ ମୁଁ
ଖୋଜିଛି ଅନେକ
ଅରଣ୍ୟର ନିଶୂନ ମଣ୍ଡଳ
କେତେ ଜନାରଣ୍ୟ ଜନପଥ ।
ତୁମ ପାଇଁ
ବୁଲିଛି ଅନେକ
କେତେ ଚର୍ଚ୍ଚ, ମନ୍ଦିର,
କେତେ ମସଜିଦ୍, ଗୁରୁଦ୍ୱାର
ହେଲେ ପାଇନି ମୁଁ
ଲେସ ମାତ୍ର ଦର୍ଶନ ତୁମର ।
ସବୁରି ଶେଷରେ
ଯଦି, ପାଇଛି ତ
ନିର୍ଜୀବ ନିଶ୍ଚଳ ପ୍ରତିମୂର୍ତ୍ତିଟିଏ ତବ ।
ଦେଖିଛି ତ
ତୁମ ସେଇ ବସ୍ତୁବାଦୀ ନିଷ୍ପ୍ରାଣ ଶରୀର
ଯେଉଁ ଠାରେ
ଅସଂଖ୍ୟ ଅଧର୍ମୀ
ବିତ୍ତଶାଳୀମାନଙ୍କ ପ୍ରଭାବ ।
ଦେଖିଛି ଆପଣା ସ୍ଵାର୍ଥେ
ତୁମ ନାମେ
କେତେ ଅତ୍ୟାଚାର ।
ତୁମକୁ ସର୍ବାଗ୍ରେ ରଖି
କେମିତି ଯେ ବିଶ୍ଵାସରେ
ଦିଆଯାଏ ବିଷ ।
କୁହ ମୋତେ
ତୁମେ କ’ଣ ସେଇ ମାନଙ୍କର ?