ଜଗତର ନାଥ ବୋଲଇ ଜଗତ
ଜଗତର ନାଥ ବୋଲଇ ଜଗତ
1 min
7.1K
ଜଗତର ନାଥ ବୋଲଇ ଜଗତ
କିଏ କହେ ଭାବଗ୍ରାହୀ
ମୁଁ କହେ କାଳିଆ ମୋ ଗଳା ମାଳିଆ
ସବୁ ଭୁଲେ ତତେ ଚାହିଁ ।
ଭାବି ଭାବି ଆସେ ଦେଉଳେ ପ୍ରବେଶେ
ଦୁଖ ବିବରଣୀ ନେଇ
କେଜାଣି କାହିଁକି କହି ପାରେ ନାହିଁ
ଭୁଲେ ବିଚଳିତ ହୋଇ ।
ନିରୀହ ଚାହାଣି କରଇ ବାୟାଣି
ଲାଗେ ତୁ ମତେ ଚାହିଁଚୁ
ନିଶ୍ଚୟ ଫେଡିବୁ ମୋ ମନ ରଖିବୁ
ନକହି ସବୁ ବୁଝିଚୁ ।
ତୋ ରଙ୍ଗ ଅଧର ହସର ଜୁଆର
ଭୁଲିଯାଏ ମୁଁ ନିଜକୁ
ସମର୍ପି ଦେଇଚି ଶରଣ ପଶିଚି
ଆଶା ପାଇବି ସୁଖକୁ ।।।
ପଦ୍ମାଳୟା