ବୁଝି ମୁଁ ପାରିଲି ନାହିଁ

ବୁଝି ମୁଁ ପାରିଲି ନାହିଁ

ଜୀବନ ବାଟରେ ଚାହିଁ ରହିଥିଲି

ତୋ ସାଥେ ଚାଲିବା ପାଇଁ

କିଛି ଦୂର ଅବା କିଛିଟା ସମୟ

ତୋ ସାଥେ କାଟିବା ପାଇଁ (1)

ସମୟ ଆସିଲା ଆସି ଚାଲିଗଲା

ଧରି ମୁଁ ପାରିଲି ନାହିଁ

କେତେ ଭାବି ଥିଲି କହିବାକୁ ତୋତେ

କହି ମୁଁ ପାରିଲି ନାହିଁ (2)

ସମୟ ସୁଅରେ ଆଜି ଆମେ ଦୂରେ

ଅତୀତ ର ମାନେ ନାହିଁ

ଜୀବନ ବାଟରେ କେବେ ଆଉଥରେ

ଦେଖା ହେବ ଅବା ନାହିଁ (3)

ଦେଖା ହେଲେ ଥରେ ପଚାରି ବୁଝିବି

ଛାଡି ଚାଲିଗଲ କାହିଁ

କଣ ଭୁଲ ହେଲା ଏତେଦିନ ପରେ

ବୁଝି ମୁଁ ପାରିଲି ନାହିଁ (4)