ସ୍ୱପ୍ନ ମୋ'ର ମାଟିମଗ୍ନ
ସ୍ୱପ୍ନ ମୋ'ର ମାଟିମଗ୍ନ
1 min
149
ଖଟିଖିଆ ମଣିଷଟେ ମୁଁ
ପାଞ୍ଚହାତି ମୃଣ୍ମୟର ମୂର୍ତ୍ତି
ମାଟିର ପ୍ରୀତିରେ ବିଭୋର
ପ୍ରାରମ୍ଭରୁ ପରିଶେଷ ଯାଏଁ ।
ପ୍ରତ୍ୟେକ ଟି ସ୍ଵପ୍ନ ମୋର
ମାଟି ପରି ବାସେ ମହମହ
ସେଥିପାଇଁ ସେ ସବୁକୁ
ମାଟିପରେ ସଯତ୍ନେ ସାଇତି
ପରମ ଶାନ୍ତିରେ ଶୁଏ ।
ଏକଥା ବି ସତ;
ପରଲଗା ପିମ୍ପୁଡି ମାନଙ୍କ ପରି
ମୋ'ର ସେଇ ସ୍ୱପ୍ନମାନେ
ବେଳେ ବେଳେ ଡେଣା ଝାଡ଼ି
ଉଡିବାକୁ ଇଛା କରି
ଉଡ଼ନ୍ତି ଆକାଶରେ ଅଳ୍ପ ଉଚ୍ଚତାରେ
ତେବେ;
ଆଖି ତାଙ୍କ ଆକାଶ ଆଡ଼କୁ ନୁହେଁ
ମାଟିରେ ନିବଦ୍ଧ ଥାଏ
ଯେଉଁଠି ମୁଁ ଝାଳରେ ଭିଯାଇ ମାଟି
ସେମାନଙ୍କ ଦୁର୍ବଳ ଡେଣା ରେ
ଅହରହ ଶକ୍ତି ଭରୁଥାଏ ।।