ବଡଦାଣ୍ଡ

ତୋର ବଡ ଦାଣ୍ଡ ଧୂଳି ଟିକେ ପାଇଁ

କେତେ ଦୂରୁ ଭକ୍ତ ଆସୁଛନ୍ତି ଧାଁଇ l

ଆଜି ତୋର ଦାଣ୍ଡେ ଏତେ ଲମ୍ବା ଧାଡି.....

ଜନ ସମୁଦ୍ରର ସ୍ରୋତ ଆସେ ମାଡି l

ଏ ଚର୍ମ ନେତ୍ରରେ ଦେଖିବୁ ସତେଟି

ତୋର ବଡ ଦାଣ୍ଡେ ରଥ ଯାତରାଟି l

ମନଲୋଭା ତୋର ସୁନ୍ଦର ପହଣ୍ଡି

ଦୂରରୁ ଝଟକେ ତୁମର ଚାହାଣି l

ଟାହିୟା ହଲାଇ କାହାକୁ ଡ଼ାକୁଛୁ

ନାଲି ଅଧରରେ ହସିବି ଦେଉଛୁ l

ତୋ ରଥ ଯାତରା ଜଗତେ ପ୍ରସିଦ୍ଧ

ତିନି ରଥ ଗଡେ କରିଣ ଶବଦ l

ଭାଇ ଭଉଣୀକୁ ସଙ୍ଗରେ ଧରି

ସାରା ବିଶ୍ୱକୁ ଏକାଠି କରି l

ନଟନାଗର ତୁ ନାଟ ଲଗାଇଛୁ

ଚକା ଆଖିରେ ତୁ କୀ ଲୀଳା କରୁଛୁ l

କେତେ ଜନ୍ମର ପୂଣ୍ୟ କରିଥିଲି

ତୋର ବଡ଼ ଦାଣ୍ଡେ ରଥ ମୁଁ ଦେଖିଲି l

ତୋ ପାଖରେ ବାଛବିଚାର ଯେ ନାହିଁ

ଜାତି ଧର୍ମ ସବୁ ଏକାକାର ହୋଇ l

ଭାଇଚାରା ଭାବେ ରଥ ଯେ ଟାଣନ୍ତି

ତୋ ପ୍ରେମ ଡୋରିରେ ବାନ୍ଧି ହୋଇଯାନ୍ତି l

ରାଗ ହିଂସା ଦ୍ୱେଷ ସବୁ ଭୁଲିଯାଇ

ସାରା ବିଶ୍ୱକୁ ଏକାଠି କରାଇ l

ଶାନ୍ତି ମୈତ୍ରୀ ପ୍ରୀତି ଅହିଁସାର ବାଣୀ

ଜଗତବାସୀଙ୍କୁ ଜଣାଇଥାନ୍ତି l

ସୁକାନ୍ତି ହୋତା

ତାଳଚେର