ପ୍ରତୀକ୍ଷା
ପ୍ରତୀକ୍ଷା
1 min
7.2K
ପଢି କି ପାରୁନ ଏଇ ମୋ ଖୋଲା ହୃଦୟ ?
ଏତେ କାହିଁ କର ଭୟ !
ମନୋଭାବନାକୁ ଅଧର ଧାରରେ ପ୍ରିୟ !
ଶବ୍ଦର ରୂପ ଦିଅ ।
ମେଣ୍ଟି ଯାଉ ଆଜି ସାଗର ତୃଷ୍ଣା
ମନ ଉପବନେ ସୁମନ ବାସ୍ନା
ଏସନ ବେଳାରେ ଦିଅ ଚହଟାଇ ଦିଅ ।।
ତୁମ ଦର୍ଶନରେ ମନ ମୟୂରୀଟା ନାଚେ,
ପୀରତି ମୁକୁତା ବିଂଛେ,
ବକ୍ଷ-ବିହାୟସ ଅମୀୟ ବାରି ସିଞ୍ଚେ,
ଜୀବନ ବିହଙ୍ଗ ଭିଜିବା ଉପାୟ ପାଞ୍ଚେ।
ସାରାରାତି ଜଳେ ଉଜାଗର ଜାଳି
ଶେଫାଳି ପରାଏ ସକାଳୁ ଝାଉଁଳି
ତୁମ ପ୍ରତୀକ୍ଷାରେ ଅଳ୍ପ ଅଳ୍ପ ବଞ୍ଚେ......।
ସୁପ୍ରଜିତ୍ କୁମାର ସାହୁ
ଶିକ୍ଷକ, ପୋଲସରା,ଗଂଜାମ