अनमोल ठेवा
अनमोल ठेवा
बाबा ! समजतय मला
जाणवतेय तुमची चिंता
कळतय दु:ख,
मी समजु शकतो
काळजी वाटणारच तुम्हाला !
पण......
निश्चिंत असा
काळजी घेईनच मी
नक्की......
जपेन मी तीला
अगदी तुम्ही जपले तसेच
मी समजु शकतो !
बोलणे सोपे आहे
कितीही काहीही म्हटले !
तरी....
आजवर एवढे वर्ष वाढवले
संभाळले, जपले, लाड पुरवले
गुण, संस्कार, ज्ञान देऊन
शिकवले, घडवले
अन.....
आज ह्या एके दिशवी
सगळ सगळ सोपवून
कन्या दान करणे
आपली आपली म्हणता
परकी होताना !
सोपे नाही, त्रास तर होतोच ना !
बघत होता तुम्ही,
तीलाच.....
अजुनही तशीच दिसली ना
दोन वेण्या घातलेली
हसत खिदळत बागडणारी
शाळेत जाणारी !
कॉलेज कुमारी
तुमच्या घरची
कन्या कुमारी, लक्ष्मी
कौतुके फुललेली !
होता होता काळ सरला
अन....
हा दिस आला
पण..
ती आता आमची गृह-लक्ष्मी
त्याच मानाने, सन्मानाने
आदरानेच नांदेल !
काळजी नसावी....
मी फक्त तीला नेत नाही
बरोबर तुमचे प्रेम, माया
तीच्या प्रति काळजी
सार सार नेणार
द्याल ना हे ही दान ?
जपेन मी हे
माझ्या मनीच्या कोंदणात
देत राहीन तीला वेळोवेळी
हे सारे आयुष्यभर !
अन......
जपेन तीलाही आयुष्यभर
अगदी तुम्ही जपले तसेच
मी वचन देतो !
हा अनमोल ठेवा तुमचा
अनमोलच राहील सदैव.