उंबरठा

उंबरठ्यावरचं माप ओलांडून

तिलाच जाव लागत दुसर्या घरात ...

घरात जे काही घडतं,

ते तिला ठेवाव लागत ओठात.

माहेरवाशीयांचा सज्जड दम ,

सारं विश्व आता त्याच घरात .....

घराबाहेर पडायचा विचार येता मनात ,

ऐकवल जात ,

उंबरठ्याबाहेर पाऊल टाकलस तर ,

थारा नाही पुन्हा या घरात ....

तिला आता प्रश्न पडतात ,

आता ती विचारते

उंबरठा फक्त तिलाच का ?

आणि कशासाठी उंबरठा ?

त्यावर सांगितलं जात ,

उंबरठ्यान घराची चौकट पूर्ण होते,

घराची चौकट मोडली जाऊ नये

आणि बाईन चौकटीत रहाव म्हणून ....

आता तिन घराचा

उंबरठाचं टाकलाय काढून

आणि चौकट ही टाकली मोडून ,

आता ती घेतेय मोकळा श्वास

आणि करतेय मुक्त संचार जगात.