ક્યાં કીધી હતી
ક્યાં કીધી હતી
1 min
7.1K
રાત આખી જાગવાની વાત ક્યાં કીધી હતી ,
આંખથીએ તાગવાની વાત ક્યાં કીધી હતી
જેલના કેદીને પૂછો કોટડી શું ચીજ છે ,
ભીંત ઠેકી ભાગવાની વાત ક્યાં કીધી હતી
સાચ હો કે જૂઠ બોલી વાત એની એ જ છે ,
ત્રાજ્વે લઈ માપવાની વાત ક્યાં કીધી હતી
જે જગાએ આશરો મળતો રહે છે જગતમાં ,
વાત ખોલી વાંચવાની વાત ક્યાં કીધી હતી
હું અને તું એક બનશે તોજ પ્રગટે પૂર્ણતા ,
પૂર્ણતાને માગવાની વાત ક્યાં કીધી હતી